Gŵyl Amdani – Stori’r Dydd: Bar Tiny Rebel yng Nghasnewydd yn cau

Bydd bar Tiny Rebel yng Nghasnewydd yn cau am y tro olaf ar ddiwedd y mis yma.

Mae’r cwmni bragu yn dweud eu bod nhw’n cau’r bar am resymau economaidd.

Maen nhw’n dweud bod llai o bobol yn mynd i’r ddinas ers Covid-19. Mae costau’n cynyddu ond llai o gefnogaeth gan Lywodraeth Cymru.

Dywedodd Tiny Rebel ar y cyfryngau cymdeithasol eu bod nhw wedi gorfod “gwneud penderfyniadau anodd er mwyn gwarchod dyfodol y busnes”. Maen nhw’n dweud y byddan nhw’n cefnogi’r staff.

Bydd y bar yn cau am y tro olaf ar 31 Mawrth.

Mae Tiny Rebel wedi ennill llawer o wobrau am eu cwrw.

Roedd y bar ar y Stryd Fawr wedi agor fel pop-yp yn 2015. Roedd yn far cwrw a pizza.

Mae’r cwmni hefyd yn rhedeg bar Tiny Rebel yng Nghaerdydd a’r Brewery Taproom yn y Tŷ Du. Bydd y ddau yn aros ar agor.