Mae Ollie Cooper, chwaraewr pêl-droed Abertawe, yn dysgu Cymraeg.

Mae ei gariad, Tanwen Cray, yn darlledu‘r tywydd ar S4C.

Mewn cyfweliad gyda rhaglen Sgorio, roedd e wedi ateb dau gwestiwn yn Gymraeg.

“Ollie Cooper, croeso mawr i Sgorio. Sut wyt ti?” meddai’r gohebydd Sioned Dafydd.

“Da iawn, diolch. A ti?” meddai Ollie Cooper.

“Da iawn. Braf iawn bod ’nôl yn Abertawe.

“Ni wedi clywed bo ti’n dysgu Cymraeg, so ni’n mynd i wneud dau gwestiwn yn Gymraeg.

“Mae wedi bod yn dymor arbennig, sgorio yn erbyn Caerdydd, mae’n rhaid bod hwnna’n deimlad sbesial iawn?”

“Mae pob gôl yn sbesial iawn i fi, ond roedd yn grêt cael sgorio yn y gêm o flaen lot o ffans.”

“Roedd e’n grêt gweld ti’n sgorio,” meddai Sioned Dafydd.

“Cymru, lot o sôn bo ti’n mynd i fod yn y garfan. Faint byddai’n golygu i ti i chwarae dros Gymru?”

“Mae’n dream i fi chwarae i Gymru, a dw i’n gyffrous am y dyfodol.”

“Dal ati gyda’r Gymraeg,” meddai Sioned Dafydd.