Dach chi’n hoffi chwarae gyda geiriau? Dach chi’n mwynhau iaith? Dyma syniadau i chi ddefnyddio Cymraeg mewn ffordd hwyliog. Pegi Talfryn sydd wedi gosod y tasgau yma. Mae hi’n awdur ac yn diwtor Cymraeg i oedolion.
Mae’r dasg yma ar gyfer lefel Uwch. Wythnos nesaf, fe fydd tasg newydd ar gyfer lefel Mynediad. Mae Lingo360 eisiau gweld eich gwaith chi. Mi fedrwch chi rannu eich gwaith yn y sylwadau, neu drwy’r ffurflen gysylltu.
Mwynhewch!
Ystrydebau:
Mae pobl yn defnyddio’r un disgrifiadau pan maen nhw’n ysgrifennu. Dyma rai ohonyn nhw:
Roedd hi’n crynu fel deilen.
Neidiodd o allan o’i groen.
Aeth hi’n goch fel betysen.
Roedd hi’n ddu fel bol buwch.
Roedd hi’n bwrw hen wragedd a ffyn.
Dach chi’n gallu meddwl am ffordd newydd i wneud y disgrifiadau hyn?
Eisiau gair sy’n odli? Ewch i Odliadur Cymru neu Odliadur Roy Stephens.
